TAU REDUA TAHANA NENDENO

Tangu pia tau wawine ku ana-e sëmbau malaiu bawine, ku
kibongang. Kai rimaleng unëndeno su ake ponggo, liwuaen tatolene. Tangu SU wiwih'u ake ene kai pia batu manipi sëmbau, malënno- lënno wowone, r. malimbolong , kasariane inangawe ruan dumaku, ku lingung duku timuwo su rëduh' u watu ene r. manga onase kai tala.

Tangu watu ene kai pinamëlong u rario kadodo ene, u i ninang-e kai mëndeno. Tangu sarang i ninang e seng kadenoe,kuteu watu ene kai timuwo; kalamona kai naun sarang dehotang, kuteu sëngkakëlla kai sen manga pia karuan depane, ku semben ene watu karangee timuwo kinasilöng ninang e, kai i sie tawe nanapua dario ene.

Tangu ana e sen kakiae angküng e : Inang, inang ia alakona, ëndaung batu wëmbulaeng kai tutuwo, 'sesomboen kawawua. Angküng i ninang e: Hedoko, momo! ia den mamuha.ala, watu mang katuwone. Nësau kimia dario e; kakia-e majain kere kalamona: Inang, inang ia alakona, ëndaung batu wëmbulaeng kai timuwo, 'sesombpen kawawua.I ninang e sau simimbang u: Hedoko, momo! ia den mëluwi.

Sarang mahëdo kai tanakatahang,u watu e man ëndai katuwone, sau ewe kimia pirua, rario ëndai kadidi e: Inang, inang, ia alakona, ëndaung batu wëmbulaeng kai tutuwo, 'sësombpen kawawua. Bawera ini kai kakia u rario kibongang, makiala si ninang-e wou wowon batu, u kai tutuwo, kai i ninang-e remben tamapulu mangala, u i sie kai ren namuha awa-e kalamona , mase i sie kai ren nëluwi.

Tangu sarang i sie nasuen denpe, kuteu tingih' u rario kimia e kate kukëngkunai daringihang, ute i sie ëndai buiude mangala^i ana-e. Kuteu sëngkakëlla watu kai sen su bedaeng u langi d. dunia, ringangu rario e, ana-ö e, pirua.

Tangu i ninang e wuhi^e nasusa-susa, tangu i sie taraie nawi kai tawe nakaawi; saie mawi, kai ënae limandohe. Sarang i sie tanakaawi , mangkatewe sintinia, metetëngkalunggi su pung'u watu : ruku-e haki nasue naêmma 'pëtetëngkalunggiang i tataghuang.

Tangu piae Salamisi nahaung, nakiwalo mënsang kai susangi u apa, i Wawu. Angküng u tau wawine e u : Ia kai susangi : anaku kai SU winangaeng , tinuwon batu wërabulaeng, sinomboen kawawua, ku kereu i kau makatulung, alako anaku rasi. Angküng u Salamisie u: 'Ia makatulung bue.

Tangu i sie mangkate tarai timëlla. Sarang narenta su koto u watu ene, i sie mëngkatewe naningkulu rario ene, kuteu kai tanakawawa, walingi kai mawëha. E uana ewe nawali,keteu nëhabarë si I ninang u rario e , uade i sie kai tanakawawa, u kai mawëha. Nësau kimia, i ninang u rario e, arawe Salamisi e uté sen napule.

Sarang i sie mëngkate kikia-kukia , tangu sai.i damahi pia manu i Pamalo, nakiwalo mënsang i Wawu susangi u apa. Angkung i ninang u rario e: Ia, Upung , kai susangi u anaku rasi su winangaeng, kai tinuwon batu wëmbulaeng, sinombQen kawawua; ku kereu i Upung makatulung, alako anaku e.

Tangu manu.i Pamalo e taraie wue. Sëngkarimating naningkulu rario e, kutou inajain tanakawawa. Sau ënae nawai, nëhabare. kapia si ninang u rario e, u i sie r. kagnwa u naung-e metulung kai 'pekapuraing bue, i sie tanakawêbale.

Tangu sau kimia, i ninang u rario e. Saraeng i sie mëngkate kakia kukia, hakiu matane nawolo d. tingih-e sinehekang, nau piaewe manu Gahuda sëmbau himaung nakiwalo, mënsang i Wawu kai susangi u apa. Angküng u ninang u rariy e u: "Ia kai susangi u anaku rasi su winaugaeng; kung kereu i kau makatulung, ute alako.

Tangu manu Gahuda e sëngkianue timëlla d. natarai ;sëngkaramating mëngkatewe sinepe u laed-e, boue' tawe niëntude solong anun ninang-e, kaiso kai sasae tinëlla-e solong püng ulangi su winalangeng. Tangu i ninang-e mëngkate mahëdo aregan ëpa u kaorase , kai manu e tawedise sumongo kapia solong anune. Kuteu wanna e sëngkianue narëndung; en^ i ninang u rario ene rimalingarae , kuteu sëngkakëlla Ghahuda e kai tutëlla sasae, kakarëngu-e, kakaraune sasae solong püng u langi e.

Tangu i ninang u rario e simangie kapia , ku kareau susan dalung u naung-e i sie tawe napulu kimang d. tawe napulu nanginung. Tangu kareau kasasusane kerene r. kalaluas-e i sie nadeho nate su püng u watu naung timuwo e. Arawe karange u watu ene timuwo, kakëlang bou ëntana e pusung'u watu ene kai sen nitumbu su langi e.

---Nahepuse----