Tangu pia tau, ghugu pangkate, r. kawinge, ku i rëdua e
nakahombang ahus'i rëdua rarua, wawine kebi, ku iakang e kasasaringe rumaleng e , arawe tuarine wuhue luhomang. Kuteu i inang e kai nate. pirua, ku ahuse rarua ene mëngkatewe susangi. Tangu i amang-e kai nakaëba kasasusa masaria mëhiking manga ana-e ren darodo e, tangu i sie nedeae kawing-e kapia, iapëpaduli manga ana-e rarua ene. Tangu sarung i rëdua e sen mëlëlalahiking, kuteu iamang u manga rario ene kai tarai nanalia sakaeng , ku su likud' i amang-e nanaha e, i ninang u manga rario e kai netongka u kang u manga rario e , tangu saraeng sen nasasa, tawe nipakikang, kaiso kai niwuha su tëmbo u ana e r. su ghatine, r. nipesu su raralokang-e.
Saraeng i amang-e narenta wou nanaha e kuteu rario darua e sëngkahombang i amang-e kai mahunsangi. Tang i amang-e nakiwalóe, mënsang kai apa makapahunsangi e. Ute i ninang uata e nedohangke r. nebera : Bega , mënsang apa makakaloang e ;tamalalaedë, arau! kang e haki sen sarang dalalokang-e.
Sarang katëllu ëlone su likud' i amang-e nanaha e, tangu manga rario e tate nakakedang papadulin ninang-e, karalaki e; tangu iakang e nangalae naun anumitung i ninang-e nate e, winalu pinamëlli kang, kiu tangu ualine ren busa sëusepe, pinebiahen dëdua tahatuari. Sëngkarënta e nitatongka u iakang e; sarang nasasasa e nilaahon ninang-e kapia, sau nibawuha su ghatine r. nipesu su lalalokang-e ; ute rario dainia e mëngkate nahunsangi. Tangu iakang e namoleng tuarine, nitatingkulu.
Boue' i amang-e simongoe, nakiwaloen manga rario e. I ninang-e nate simimbang : Bega wue, u wou nëmpekahoase e nëmpedaleng. Tangu i amang-e simangie, nasusan ana e.
Manga rario darua e ute mangkewen dimaleng dimaleng, kuteu sardeng sen su taloaran këhu e, i rëdua e maten kakahutung; tangu iakang e namëlloen tuarine e su taloaran dajeng e r. nëberae: I kau e katana sini. momo! ia den dumaleng. Ute isie rimaleng dimalengke marau, kiu nakaëba kumpasë, buane sëmbau matage, bou ene i sie nesule solong anun tuarine kapia, tangu sëngkarumating e i sie mëngkai susangi u kalahutunge ; boue' tuhang-e nëgêllien kumpase ene su tuarine, nipakikang.
Bou ene i rêdua tahatuari e nesau netatiugkulu rimaleng, tangu WQue' nakaêba kênnang; boue i rêdua e mêngkate nangênnang. Sërabulihe naebil e, tangu nakaringihe tingih' u wansage kaberane : I sai metetako sasuangku e!"
Kutedu kai wansag'u Walawo, i sire sëriggapjing, kiu tëmbonang-e kasariane kere winunukang, mangalene kere wika gaghere. Tangu nahutungke , rario darua e , ku nakaêba mebawaele; tangu neberae : "Ia buni! pënnise, ia pënnise! pia i Walawo-koto." Angküng u mebawaele e u: "la tamakawuni, Wawu ; dako pakiwuni su mananuwang baelë!" Tangu i rêdua tamaie wue. Angköng u mananuwang e u : "Dako, pakiwuni su mëndaruru!" Angküng u mëndaruru e u: "Dako pakiwuni su mangangasi!" Angküng u mangangasi e u : "Dako pakiwuni su inamamënsa. " Angküng u mamamënsa e u : 'i'Dako solong anun Biki-Biki dëduan Manganguwi!" I rêdua tamai e wue, pirua. Tangu i rêdua napëllo su sasaran bale ene, i Walawo napêllo lai su rëllahe e.
Tangu i Biki-Biki neberue: 'Pulungku! pulungku!" I Wiki-Biki e ute kai pia nalang-e Meo basa (meg mitung), ku Balawo e mêngkai mëbebansagë su rëllahe. e , arawe Meo e mêngkai manguleleng u tëmbo-e su tukade e, ku Balawo e kaberane su Meo e: "Mageng bahani, 'nae lintu !" Angküng u Meo e u: "Mageng bahani, ëndai dangeng!" Tangu wou ene Meo e mëngkatewe tanae timumpa, nëudaku Balawo kere winunukang e , r. lai ringang e waline e, ketaewen dingang-e sëmbau nakatalang e, nawi su koto u wusa, tangu nëberae wou koto u wusa e u: "Meo basa! Meo basa! bangkelang ia e madiri !" Tangu Meo e nësulee.
Tangu manga rario darua e nilahikingken dëdua, kutou sarang natellang, iakang e neberae : "la kai reu manuhu sasi." Angküng i Wiki-Biki u: "Ho! katewe ligha ëndai." Ku ^aku-e ido. Nasëbang Su apeng, i sie simëlle nanaedë sasi e, woue' nësule ëudai solong bale kapia.
Boue' SU katëllu ëlone sëngkianu pia senggo lawp-lawo, haki nahëping, laudë e, a' kuteu sarang nawuna su rulung-e, arakute kai senggo u mangëngëntud' u talimbukun Kasilin Pung-u-langi, su rario ëndai naün nanuhu sasi e. Boue' marêngu marëngu pinabisara, kiu nakoa kawing u Kasili ëndai e, wawine ene.
Nahepuse.
Tidak ada komentar:
Posting Komentar